Në Ministrinë e Punëve të Brendshme, gjatë një tryeze të rrumbullakët u mbajt prezantimi i strategjisë dhe planit të veprimit për armët të vogla dhe të lehta, në kuadër për zbatimin e udhërrëfyesit, duke përfshirë prioritetet kryesore.
Konferencën e sotme e hapi zëvendësministri i Punëve të Brendshme, z. Izmi Zeka, njëherit Koordinator Nacional për AVL, i cili tha se në takimin e dytë lokal koordinues, Kosova është e përkushtuar në Podgoricë dhe Londër për të miratuar këtë udhërrëfyes, gjithashtu është e përkushtuar dhe shumë serioze që ta implementojë në përpikëri edhe në mënyrën sa më të mirë të mundshme.
“Ministria e Punëve të Brendshme në përkrahje nga UNDP ka implementuar me sukses fushatën për legalizimin e armëve, e cila filloi më 17 dhjetor 2018 dhe ka përfunduar me 17 Shtator 2019. Që nga fillimi i fushatës e deri në ditën e përfundimit të saj gjithsej kemi pranuar rreth 2,000 kërkesa për legalizime, 11 kërkesa për çaktivizim, si dhe 2 kërkesa për shkatërrim të armëve të zjarrit”- tha Zeka.
Më tutje, Zeka tha se po punohet për harmonizimin e ligjeve përkatëse me direktiva të BE-së të vitit 2017 dhe me rregulloret përkatëse. /InLajmi/
