Në kuadër të muajit të sigurisë kibernetike, përmes një komunikate kuptuam se sot me 28 nëntor u organizua paneli mbi sigurinë kibernetike nga CACTTUS së bashku me Cyber Academy dhe Cacttus Education.
Siguria kibernetike është bërë një shqetësim kryesor mes të gjithë njerëzve në mbarë botën. Kjo është pjesërisht për shkak sulmeve kibernetike drejtuar kompanive të ndryshme në vitet e fundit.
Kompania CACTTUS sh.a. është e profilizuar dhe e specializuar në ICT, me përvojë 15 vjeçare dhe stafin e kualifikuar dhe të gatshëm të jep kontributin për vetëdijesimin e gjeneratave të reja për rreziqet e teknologjisë dhe inovacionit.
“Ne jemi të vetëdijshëm që krimet kibernetike janë shumë aktive, dhe të gatshme të investojnë në të rinjë që ti bëjnë ata për vete, t’i manipulojë në mënyra të ndryshme, arsye kjo që na shtynë të japim kontributin tonë për vetëdijësimin e krimeve kibernetike, si t’iu shmangemi atyre dhe kontaktit me ta, si t’i qasemi këtyre dukurive dhe si ta minimizojmë apo parandalojmë këtë dukuri.
Me anë të paneleve dhe trajnimeve për vetëdijesim, synojmë që të gjeneratat e reja të bashkëpunojnë me institucionet dhe me kompanitë e jo me individët e panjohur. Grupet kibernetike terroriste shfrytëzojnë çdo mundësi që ju jepet për të manipuluar me të rinjtë. Ne synojmë të bëjmë të kundërtën e tyre, duke i vetëdijesuar dhe duke i trajnuar që gjithnjë ti drejtohen kompanive me emër, institucioneve shtetërore dhe nëse ka ndonjë tentim të manipulimit si dhe ku ti adresojnë këto.
Me shtimin e përdorimit të teknologjisë nga fëmijët, kohëve të fundit janë shtuar edhe sulmet kibernetike ku të targetuar janë fëmijë dhe adoleshentët të cilët janë aktivë në mediat sociale.
Andaj përveç trajnimeve dhe paneleve CACTTUS së bashku me CACTTUS Education kemi filluar edhe me vizita në shkolla fillore ku për qëllim kemi vetëdijesimin e fëmijëve rreth këtyre kërcënimeve duke i informuar se si të mbrohen nga kërcënimet kibernetike dhe si ti parandalojnë ato.
Fëmijët konsiderohen target ideal pasi që nuk kanë njohuri se si të mbrohen nga sulmet e tilla si dhe besojnë më lehtë.
Ne i japim rëndësi të edukimit të fëmijëve duke i informuar se si të jenë vigjilentë dhe të mos bëhen viktimë e sulmeve të cilat janë përhapur kohëve te fundit. Fëmijët dhe prindërit të cilët janë të informuar për sulmet e mundshme, mund t’i parandalojnë sulmet e tilla duke mos u mundësuar trageteve të kenë qasje në informatat të cilat ata dëshirojnë të qasen, thuhet në komunikatë. /InLajmi/