Ka nisur takimi mes dy grupeve punuese të Lëvizjes Vetëvendosje dhe Lidhjes Demokratike të Kosovës.
Në këtë takim që po mbahet në selinë e Lëvizjes Vetëvendosje në Prishtinë pritet që të diskutohet edhe për çështjen e dialogut.
Këto takime kanë për qëllim harmonizimin e programit qeverisës mes këtyre dy partive që duan të arrijnë një koalicion paszgjedhor, shkruan klan kosova.
Takimi i tyre paraprak u mbajt të premten ku Lëvizja Vetëvendosje dhe LDK-ja janë dakorduar për intensifikimin e takimeve dhe që takimi i sotëm të shërbejë për të konkretizuar diskutimet e së premtes.
