Zëvendëskryeministri në detyrë i Republikës së Kosovës, Enver Hoxhaj, është shprehur se drejtësia do të bëhet ndaj
rastit të vëllezërve Bytyçi, pra është pro për miratimin e rezolutës së Dhomës së Përfaqësuesve në kuadër të Kongresit Amerikan për përfshirjen e Serbisë në rastin e vëllezërve Bytyçi.
Përmes një postimi në Facebook, Hoxhaj ka thënë se drejtësia është shumë e rëndësishme për Kosovën dhe se nuk do të ndalen derisa Serbia t’i dorëzojë përgjegjësit për krimet ndaj popullit të Kosovës. /InLajmi/
Postimi i plotë:
“Dhoma e Përfaqësuesve në kuadër të Kongresit Amerikan ka miratuar unanimisht rezolutën për zbardhjen e vrasjes makabre të vëllezërve Bytyqi të orkestruar nga Serbia. Rezoluta shpreh pakënaqësi të madhe për mënyrën se si është trajtuar ky rast nga ana e presidentit serb Aleksandër Vuçiq. Kjo shënon hap të rëndësishëm që tregon përkushtimin amerikan për vënien e drejtësisë për vrasjen e vëllezërve Bytyqi. Ne nuk do të ndalemi deri sa Serbia t’i dorëzojë përgjegjësit për krimet ndaj popullit të Kosovës. Drejtësia do të bëhet”, tha Hoxhaj.
