Ashtu siç ishte njoftuar nga qendra e Vetëvendosjes në Tiranë, pasditen e kësaj të diele, Albin Kurti erdhi në kryeqytet.
Kurti mbi çështjen e refuzimit të hapjes së negociatave për Shqipërinë dhe Maqedoninë u shpreh:
“Padrejtësi që nuk u hapën negociatat në Shqipëri dhe Maqedoninë e Veriut. janë dy vende që duan [të jenë pjesë] dhe i duhen Bashkimit Evropian”.
Më tej specifikoi motivin e ardhjes së tij në tiranë.
“Kam ardhur për të festuar fitoren e Vetëvendosjes. Kosova dhe Shqipëria do të bashkëpunojnë më shumë. Duhet të kemi kujdes në marrëdhëniet me Serbinë, dihet çfarë ka bërë Serbia ndaj nesh”, u shpreh ai ndër të tjera, transmeton telegrafi.
Për sa i përket procesit të numërimit, kurti ka thënë se nga numërimi na janë shtuar 484 vota më shumë, kemi më shumë se LDK.