Fiknete Bejta mendon se votat duhet të rinumërohen dhe sipas saj ka vjedhje të votave dhe për këtë, ajo thotë se ka fakte.
Votat duhet të rinumërohen thotë Bejta edhe në rast të gabimeve teknike që janë bërë dhe për të forcuar legjitimitetin e secilës parti shkruan/InLajmi/.
Për më shumë ja çfarë thotë ajo në rrjetin social facebook:
Në Prishtinë ka vjedhje të votave , duhet të rinumrohen votat e kandidatëve brenda partive. Kam fakte për një gjë të tillë.
Rinumërimi forcon legjitimitetin e fituesve!
Rinumërimi i të gjitha votave nuk i bën dëm demokracisë. Përkundrazi, e forcon legjitimitetin e secilës parti dhe secilit kandidat fitues.
Nuk është operacion i rëndë. Merr disa ditë, por largon pikëpyetjet disavjeçare.
Gabime ka. Ato mund të jenë vetëm teknike, pra nuk po paragjykoj motivin e gabimeve.
Ka raste konkret të gabimeve, që mund të jenë vetëm teknike. Sidoqoftë, më mirë të rinumërohen të gjitha.
Tek e fundit, pse duhet të kemi frikë.
Më mirë të bëhet rinumërimi transparent, në prani të vëzhguesve, shoqërisë civile dhe mediave.