Kryetari i LDK-së, Isa Mustafa, për zgjedhjet e 6 tetorit thotë se LDK u rikthye fuqishëm nga mbështetja e qytetarëve që votuan. Gara është shumë e ngushtë LDK dhe VV por optimizmi qëndron tek fitorja e LDK-së. Falënderon të gjithë votuesit që përkrahën Vjosën për kryeministre.
Mustafa shtoi se kontaktet e vazhdueshme për bisedime do të i kenë me Lëvizjen Vetëvendosje për më të mirën e vendit /InLajmi/.
Postimi i plotë i Isa Mustafës në facebook:
Qytetarë të nderuar
Në zgjedhjet e 6 tetorit LDK mori përkrahje të gjerë nga qytetarët tanë. Qytetarët ndëshkuan ata që qeverisën keq.
Në një garë tepër të ngushtë, 50:50, fituesi, LDK apo VV, do të dihet përfundimisht pasi të përfundon numërimi i plotë i të gjitha votave.
Këto ditë, së bashku me kandidaten tonë për kryeministre, znj. Vjosa Osmani, do të takohemi me Kryetarin e Lëvizjes Vetëvendosje, z. Kurti për të vlerësuar procesin zgjedhor dhe mundësitë e bashkëqeverisjes. Do të vazhdojmë aty ku e kemi lënë para fillimit të procesit zgjedhor, duke respektuar vullnetin e qytetarëve të shprehur me votë të lirë në një proces demokratik zgjedhor por edhe interesin e LDK-së. IM
