Drejtori i Përgjithshëm i Policisë së Kosovës Rashit Qalaj, ka vizituar sot Drejtorinë Rajonale të Mitrovicës Veri.
Arsye e vizitës sipas Policisë ishte për të parë nga afër angazhimet e zyrtarëve policor në implementim të planit operacional lidhur me zgjedhjet e parakohëshme në vend, raporton InLajmi .
Drejtori Qalaj gjithashtu vizitoi edhe zyrtarët policor të cilët ishin të caktuar në kryerje të detyrës në disa qendra të votimit në Veri.
Përveç kësaj Qalaj ka takuar edhe Ambasadoren e Francës në Kosovë, Marie-Christine Butel si dhe Ambasadorin Gjerman në Kosovës, Christian Heldt.
