Kryeministri në detyrë Ramush Haradinaj, në përmes një postimi në rrjetin social Facebook ka kujtuar mjekun Shpëtim Robaj në 21 vjetorin e rënjes së tij.
Haradinaj ka thënë se do ta kujtojë gjithmonë për punën e tij humane në UҪK./InLajmi/
Postimi i plotë:
“Sot, në 21- vjetorin e rënies, kujtojmë me pietet mjekun atdhetar të luftës së Ushtrisë Çlirimtare të Kosovës, Shpëtim Zeqir Robaj, që me punën e tij humane, shëroi në frontet e betejat e luftës shumë nga trimat tanë. Shpëtimi si edhe shumë kolegë të tjerë me misionin e tyre i dhanë kuptim idealit për luftën për liri dhe pavarësi dhe u vunë në shërbim të atdheut deri në vetëmohim. Krenar me ta gjithë të rënët që në cilëndo mënyrë kontribuan që sot Kosova jonë të jetë e lirë, e pavarur dhe sovrane”!