Mesfushori shqiptar Xherdan Shaqiri nuk do të jetë i gatshëm për Liverpoolin në ndeshjen e ardhshme kundër MK Dons që zhvillohet të mërkurën mbrëma, në kuadër të Kupës së Ligës.
Reprezentuesi i Zvicrës është lënduar gjatë stërvitjes të hënën, ka konfirmuar Liverpooli.
“Duhet të presim pak kohë për të parë gjendjen e Shaqirit. Ai duhet të pushoj pak” ka thënë asistenti Pepijn Lijnders.
Senegalezi Sadio Mane që u lëndua në fundjavë kundër Chelseat, nuk ka probleme serioze dhe të enjtën pritet të kthehet në stërvitje.
