Shqipëria gjatë vikendit është përballur me tërmetin më të madh në 30 vjetët e fundit.
Përveç tërmetit 5.8 ballë të shkallës Rihter, pati edhe disa tërmete të vogla.
Termeti u ndje edhe në disa vende të Kosovës.
Njohësi i çështjeve të emergjencave, Tahir Ahmeti, përmes një postimi në llogarinë e tij në Facebook, ka cekur disa arsye se pse ndodhin tërmetet.
Ai po ashtu ka paralajmëruar se për shkak të afërsisë gjeografike me Shqipërinë edhe ne mundë të jemi të rrezikuar prej këtyre tërmeteve, të cilat mund të godasin krejt papritur dhe pa paralajmërim.
Ky është postimi i tij i plotë:
“Tërmetet ndodhin për shkak të lëvizjes së pllakave tektonike, lëvizjes së kores së tokës apo shpërthimeve shumë të mëdha që lëshojnë shumë energji, dhe si pasojë ndodhë lëkundja e tokës (e njohur si tërmet). Ditëve të fundit jemi dëshmitarë të tërmeteve mjaftë të shpeshta që po ndodhin në Shqipëri. Duket pas parasysh pozitën gjeografike por dhe afërsinë e vendit tonë me shtetin shqiptar, atëherë edhe ne mundë të jemi të rrezikuar prej këtyre tërmeteve të cilat mund të godasin krejt papritur dhe pa paralajmërim dhe mund të shkaktojnë dëme materiale por edhe të rrezikojnë jetën e qytetarëve të Kosovës, edhe pse vendi ynë nuk rezulton se ka një aktivitet të lartë sizmik. Tërmetet nuk mund të parashikohen apo parandalohen, por ne mund të mësojmë se si të mbrohemi prej tyre dhe si duhet të veprojmë në raste të tilla, në mënyrë që pasojat të jenë sa më të vogla”, shkruan Ahmeti. /InLajmi/