Presidenti amerikan Donald Trump i ka dërguar një ftesë zyrtare kryeministrit në detyrë Ramush Haradinajt për një vizitë në Amerikë. Mirëpo këtë herë, Haradinaj e ka refuzuar atë. Nga zyra e kryeministrit në detyrë thonë se Haradinaj e ka refuzuar këtë ftesë për shkak të fushatës zgjedhore. E në Amerikë aktualisht është presidenti Hashim Thaçi.
Në adresë të kryeministrit në detyrë, Ramush Haradinaj, ka ardhur një ftesë nga presidenti i Shteteve të Bashkuara të Amerikës, Donald Trump.
Burime të televizionit T7 kanë mësuar se Donald Trump e ka ftuar Haradinajn për të shkuar në Amerikë.
Por duket se shefi i ekzekutivit nuk do t’i përgjigjet pozitivisht kësaj ftese.
Nga zyrën e kryeministrit për T7 kanë thënë se Haradinaj nuk do të udhëtojë për në Amerikë ani pse ka marrë një ftesë të tillë.
