Një yll i hokejit nga Rusia e mori një çmim të çuditshëm për rolin e tij në një ndeshje – një AK-47.
Pasi i ndali 36 nga 38 goditjet drejt portës së tij në fitoren me rezultat 3:2 të skuadrës së tij, Izhstal Izhevsk, kundër Chelmetit, Saveli Kononov u shpërblye me një kallash nga një zyrtar, transmeton Gazeta Express.
Portierit të hokejit iu prezantua një armë në zhveshtore, pas paraqitje së tij mbresëlënëse. Ai u shpërblye me atë kallash pasi që bashkëlojtarët e tij e votuan atë si lojtarin më të mirë të ndeshjes.
Kapiteni i Izhstal Izhevsk ia dhuroi Kononovit armën dhe ai pozoi me të, para se ta jepte një fjalim para bashkëlojtarëve të tij, transmeton Gazeta Express.
Nuk është e qartë nëse arma është e rreme apo një armë e vërtetë, megjithatë lojtarët e shijuan atë. Njëri prej lojtarëve dëgjohet duke thënë: “Nëse luajmë keq, ata do të na vrasin”.
