Kandidati për deputet nga LDK-ja, Anton Quni, ka thënë se LDK nuk mund të marrë përgjegjësi për listat e veteranëve pavarësisht se janë miratuar në kohën e Qeverisë Mustafa.
Quni, në RTV Dukagjini, ka thënë se numri i vërtet e veteranëve luftëtarë do të duhej të ishte diku 15 mijë.
Ai ka thënë se numri 60 mijë nuk i takon kategorisë së luftëtarëve por mund të jenë “pjesëtarë” apo “pjesëmarrës”.
Ish-deputeti i LDK-së, thotë se përgjegjës për fryrjen e listave janë shumë faktorë përfshirë ndërhyrjet e subjekteve politike.
Quni ka thënë se Komisioni verifikues për identifikimin e veteranëve i formuar në Qeverinë Mustafa sipas ligjit nuk ka pasur asnjë lidhje me LDK-në pasi sipas tij anëtarët janë identifikuar me PDK-në, AAK-në dhe NISMA-n.
“Ky komisionin është udhëhequr ngë gjeneral Çeku, prandaj nuk është logjike që ata që kanë shkaktuar problemin ta sanojnë sot problemin”, tha ndër të tjera Anton Quni.
