Kryeministri i Shqipërisë, Edi Rama ka munguar sot në seancën e Kuvendit. Ai është nisur drejt Pragës, ku do të merr pjesë në një samit me liderët e Ballkanit Perëndimor.
Nga Praga, Rama do të udhëtojë drejt Berlinit ku pritet të takohet edhe me kancelaren gjermane, Angela Merkel ditën e premte.
“Më 13 Shtator, kancelarja do të mirëpresë kryeministrin e Shqipërisë, Edi Rama, në Kancelarinë Federale në orën 9:30. Në fokus të diskutimit mes tyre do të jenë çështjet europiane, si dhe marrëdhëniet bilaterale dhe çështjet rajonale”, ka thënë Martina Fietz, zëdhënëse e kancelares gjermane. Pak ditë më parë Deutsche Welle pati raportuar se në fokus të takimit do të jetë hapja e negociatave të Shqipërisë me Bashkimin Europian në muajin tetor, shkruan gazeta shqipëtare opinion.al.
Rama përveç takimit me kancelaren gjermane do të zhvillojë takime edhe me deputetët e grupit më të madh në parlamentin e Gjermanisë CDU/CSU ku pritet të takohet me nënkryetarin si dhe grupet e punës për çështje të Bashkimit Evropian./InLajmi/
