Ka dy vjet që rreth 20 puseta qëndrojnë të hapura në fshatin Bardhosh të Prishtinës.
Banorët e këtij fshati kanë ankesa të shumta lidhur me këtë problematikë, pasi sipas tyre po u rrezikohet jeta.
Sipas tyre, ata shpesh herë janë drejtuar në Komunë për të kërkuar ndihmë që të mbyllën këto puseta, mirëpo kërkesat e tyre nuk janë marrë parasysh.
Një banor i këtij fshati ka treguar për Indeksonline se si gjatë ditës së djeshme një qen ka rënë në njërën prej këtyre pusetave e cila arrin thellësinë deri mbi pesë metra, transmeton indeksonline.
Banori pa dashur të identifikohej ka thënë se pasi kanë zbuluar që në pusetë kishte rënë ai qen, kishin kërkuar ndihmë nga ekipet e zjarrfikësve si edhe kishin njoftuar Komunën, mirëpo këta të fundit nuk i janë përgjigjur kërkesës së tyre.
Derisa, ekipet e zjarrfikësve dhe të policisë pas një aksioni triorësh kanë arritur ta nxirrnin qenin nga puseta.
