Një therje me thikë ka ndodhur sot në Obiliq, ku si pasojë një person ka marrë disa lëndime trupore.
Rastin e kanë konfirmuar edhe nga Policia e Kosovës teksa kanë bërë të ditur se viktima është dërguar për tretman mjekësor.
Policia ka bërë të ditur se të dyshuarit janë identifikuar dhe se policia iu është vënë pas tyre, transmeton lajmi.net.
“Rreth orës 13:00 kemi pranuar informatën për një përleshje në rrugën “Adem Jashari” në Obiliq, ku lëndime trupore ka pësuar një person (mashkull). Personi i lënduar është dërguar për tretman mjekësor, ndërkohë që policia ka identifikuar personat e përfshirë në rast dhe është në kërkim të tyre”,thuhet nga Policia e Kosovës.
