Një prej tajfuneve më të fuqishëm në vitet e fundit ka goditur Japoninë dhe ka ngujuar lindjen e kryeqytetit, Tokjos, gjatë kësaj dite, duke e mbytur një grua, me erëra që shkojnë në nivele rekorde.
Më shumë se 160 fluturime janë anuluar ndërsa udhëtimet e trenëve janë mbyllur për orë të tëra, duke e paralizuar zonën më të madhe të Tokios, që i ka diku rreth 36 milionë banorë.
Autoritetet paralajmërojnë se është e rrezikshme për secilin që të dalë jashtë, shkruan Reuters, përkthen Periskopi.
Tajfuni Faxai, solli erëra që arritën deri në 207 kilometra në orë, duke thyer çdo rekord të deritashëm.
Një grua në të pesëdhjetat u konfirmua e vdekur pasi ishte gjetur në një rrugë të Tokios dhe ishte dërguar menjëherë në spital. Kamerat e sigurisë treguan pamje të tmerrshme të saj derisa përplasej për murin e një ndërtese nga era e fortë.
Po ashtu, ka pasur edhe probleme të mëdha me rrymën.
