Instituti i Mjekësisë Ligjore në bashkëpunim me Policinë e Kosovës dhe EULEX-in, organizojnë sot një tryezë të rrumbullakët me temë ‘Ma thuaj me kohë – dhuna seksuale është krim’, me të cilën nis fushata në lidhje me ruajtjen e provave biologjike në rastet e dhunës seksuale.
Në këtë konferencë, ishte prezente edhe Atifete Jahjaga, ish presidente e Kosovës dhe udhëheqëse e Fondacionit Jahjaga. Ajo theksoi nevojën që të punohet në disa rrafshe si: në aspektin ligjor, atë institucional, social, ekonomik dhe në ofrimin e qasjes në drejtësi për të mbijetuarit.
Jahjaga ndër të tjera foli për rëndësinë e intensifikimit të bashkëpunimit të të gjithë akterëve relavantë në mbështetjen e të mbijetuarve të dhunës seksuale gjatë luftës në Kosovë dhe ri-integrimin e tyre në shoqëri.
Kjo fushatë ka për qëllim ngritjen e vetëdijes për situatat e mundshme që i ekspozojnë kategoritë e ndjeshme në rrezikun e të qenit viktimë e dhunës seksuale./InLajmi/
