Dega e Aleancës për Ardhmërinë e Kosovës (AAK), në qytetin e Vushtrrisë, ka reaguar ashpër ndaj raportimit të mediave se 100 aktivistë të kësaj partie kanë aderuar në Partinë Demokratike të Kosovës (PDK).
Sipas kësaj partie, lajmi se mbi 100 aktivistë e kanë braktisur AAK, nuk është i vërtetë dhe se vetëm 5 anëtarë janë larguar nga kjo parti në kërkim të punësimit personal.
AAK, ka bërë thirrje publike mediave që e kanë plasur lajmin që të publikojnë listën e personave për hirë të vërtetës./InLajmi/
Komunikata e plotë e degës së AAK-së në Vushtrri:
Dega e AAK-së në Vushtrri, është befasuar nga lajmi mashtrues i lëshuar në publik kinse ” mbi 100 aktivistë të AAK-së ” aderuan në PDK.
Ne që jetojmë në Vushtrri, e njohim të gjithë njëri tjetrin dhe angazhimin politik të secilit. Jo më shumë se 5 persona kanë qenë ish aktivistë të AAK-së, të cilët në kërkim të punësimit personal kanë bërë lëvizje në subjekte tjera politike.
Ne ju bëjmë thirrje publike atyre që kanë bërë publik lajmin, të bëjnë publike edhe listën e personave. Jo për ne, sepse ne e dimë të vërtetën, por për qytetarët e Vushtrrisë.
Ne i kuptojmë edhe problemet personale të qytetarëve, dhe ju urojmë punësim të lehtë.
Ajo që nuk e kuptojmë është ” lufta kundër korrupsionit dhe nepotizmit ” e Kadri Veselit. Ndërmarrja publike “Ibër & Lepenc” , e cila në kohë fushate shndërrohet çdo herë në karrem për ” aderime” nuk është degë e PDK-së por është e qytetarëve dhe publike.
Vushtrria e kupton shumë mirë “luftën” e juaj kundër nepotizmit dhe korrupsionit !
Mashtrimi ka fund !
