Amazon ka nisur testimin e një mënyre më të pazakontë për të kryer pagesa në dyqanet e “Ëhole Foods” në Shtetet e Bashkuara të Amerikës.
Sipas New York Post, skanimi i dorës për të realizuar blerje ka filluar tashmë të përdoret në zyrat e Amazonës dhe punëtorët do ta shfrytëzojnë teknologjinë biometrike për të blerë nga makinat produkte të ndryshme.
Dalluar nga skanerët e gjurmëve të gishtërinjve që gjenden sot në pajisje të ndryshme, sistemi i ri i pagesave i Amazon, i cili është emëruar si Orville, nuk iu kërkon klientëve të prekin sipërfaqen e skanimit. Ai përdor pamjen dhe thellësinë gjeometrike për të identifikuar formën dhe madhësinë e secilës dorë që skanon, përpara se t’i kalojë blerjet në kartën e kreditit të blerësit.
Skanuesit e duarve do të lidhen me llogaritë e klientëve në Amazon Prime në mënyrë që ata të përdorin kartat e kreditit ose të debitit, të cilat janë tashmë të vendosura në sistem.
Sistemi i pagesave mund ta përpunojë transaksionin brenda 300 milisekondash dhe krahasuar me të, transaksionet normale të kartave zgjasin rreth tre apo katër sekonda. /InLajmi/
