Kryetari i lëvizjes Vetëvendosje Albin Kurti, sonte në emisionin Rubikon ka thënë se LDK nuk lidhi marrëveshje me ta sepse kishin drojë nga fitorja e VV-së në Qeveri si dhe me PDK’në në opozitë,
Kurti tha se VV tash do të fitojë pa LDK’në.
‘’Provuam shumë e gjatë, por në fund kishte drojë sepse do të shkaktonte tronditje tek Klani Pronto. Kështu ishim edhe në qershor 2017. Kanë mundur të fitojnë bashkë me neve, tash do të fitojmë ne pa ata. Frika që kishin nga e ardhmja e përbashkët, kundrejt PAN’it ishte më e madhe se sa dëshira që të vijnë me neve. Gara do të ishte pozitive dhe pa polemika. Jemi ku jemi, ne treguam vullnetin e mirë dhe ishim optimist tërë kohën. Kur duhet të lidhnim koalicion, kishte më shumë druajtje se sa dëshirë’’, tha Kurti.
Sipas Kurtit, LDK frikësohet me PDK’në në opozitë dhe me VV’në në Qeveri.
‘’ Kur e paramendojnë veten në Qeveri me VV, tmerrohen se e kanë PDK’në përballë në opozitë Nuk e kuptoj prej nga vjen, ndoshta edhe prej faktit që kanë qenë bashkë 2 vjet në qeverisje’’/InLajmi/
