Dita e pestë që vazhdojnë të digjen Bjeshkët e Rekës së Keqe afër kufirit Kosovë-Shqipëri, në fshatrat Babaj i Bokës, Popoc dhe Ponoshecë.
Zjarrfikësit e komunës së Gjakovës thonë se nuk po arrijnë që ta shuajnë zjarrin shkaku i erës, terrenit të papërshtatshëm dhe mungesës së mjeteve. Luan Dinaj, drejtor i drejtorisë së emergjencave në Komunen e Gjakovës tha për InLajmi se janë duke u munduar që ta evitojnë zjarrin.
‘Ka dy ditë që ekipet mobilizuese të zjarrëfiksëve gjinden në teren. Dje i kemi ftuar zjarrëfikësit e Erenikut, të Prizrenit dhe të Rahovecit, të cilët na kanë ndihmuar, të pranishëm kanë qenë një numër jo edhe i madh i zjarrfiksve të ardhur nga këto rajone. Sot jemi mobilizuar komplet skuadra e zjarrëfiksve në Gjakovë, të cilat janë shpërndarë në tri grupe. Territori ku janë duke u djegur malet quhet Bokë dhe Qerret e që janë fshatrat Babaj i Bokës, Popoc, dhe Ponoshecë, aty ku ka vatra të zjarrit’
Dinaj për InLajmin tha se nuk ka rrezik sa i përket pronave të banueshme “ Unë kam qenë vetë në vatër të zjarrit dhe zjarri është largë nga shtepitë diku një orë e gjysmë rrugë’.
Dinaj tha se e vetmja formë për ta shuar zjarrin është kundër zjarri, pra të fusim kundër zjarrin, sepse vetëm në këtë mënyrë do të ndalet zjarri. Ai thotë se nga pjesa e Ponoshecit, në një pjesë të madhe, në këtë mënyrë kemi arritur ta ndalim zjarrin.
‘E vetmja formë për ta shuar zjarrin është një masë kundër zjarrit d.m.th në afërsi 100 metra dhe aty me futë zjarrin zjarrëfiksit sepse kur të bashkohet zjarri me zjarrë ndalet, vlenë të cekët që nga ana e Ponoshecit një pjesë të madhe kemi arritë në këtë mënyrë me e ndalë’. z. Dinaj u bën apel të gjithë qytetarëve që të kenë kujdes me vënjen e zjarreve, me tutje dinaj bëri te ditur se ka bërë edhe shkresë në polici sepse dyshimet e para janë për zjarrvënje të qëllimshme. Dyshimet e mija janë se shkaktar i këti zjarri është faktori njeri, edhe pse rojet e pyllit më kanë thënë që nga vetëtima, por vetëtima gjuan vetëm kur të ketë shi e jo edhe në mot me diell. Por përderisa nuk kemi fakte nuk mundemi t’a akuzojmë askënd, është shprehur Luan Dinaj./InLajm
