Situatë alarmuese në Drinin e bardhë afër Prizrenit, ngordhin mbi 12 ton peshq, ditë më parë. Peshqit e ngordhur janë hasur nga fshati Muradem deri në fshatin Dobrusht.
Sipas peshkatarëve, ngordhja e peshqive ka ndodhur për shkak të kontaminimit të ujit të lumenjve të kësaj ane, nga hedhja e mbeturinave të kompanive të ndryshme, që veprojnë në komunën e Prizrenit, raporton KTV.
Ndonëse peshqit e ngordhur nuk ishin më në breg të lumit Drin, aty vëreheshin mbeturinat e tjera. Bashkim Krasniqi, kryetar i Federatës së Peshkatarëve të Kosovës, është shprehur i zhgënjyer me institucionet për këtë gjendje.
Në anën tjetër, nga komuna e Prizrenit, përgjegjësinë e hedhin te qytetarët. Drejtori për Shërbime Publike në këtë komunë Levent Kasemi, ka thënë se përveç pastrimit të lumenjve, nuk kanë kompetenca të tjera lidhur me këtë çështje.Për të parë gjendjen nga afër, në terren, disa ditë më vonë nga ngordhja e peshqve, kanë dalë edhe Inspektorati komunal./InLajmi/
