Zgjedhjet e parakohëshme të përgjithshme janë shpallur, të gjithë qytetarët e Republikës së Kosovës do të kenë mundësi që me 6 tetor të votojnë kandidatin që e preferojnë për kryeministër, atë që mendojnë se do t’i sjellë vendit zhvillim ekonomik, sa më pak korrupsion dhe mirëqenje për të gjithë. InLajmi ju sjellë pasaportën e secilit kandidat për kryeministër në Kosovë.
Do të fillojmë me të vetmën kandidate femër në këto zgjedhje :
Vjosa Osmani – Kandidate për kryeministre nga LDK-ja
Vjosa Osmani-Sadriu: Kandidate për kryeministre nga LDK-ja, ndryshe po konsiderohet si zonja e hekurt, një zonjë e re në moshë e zonja në profesionin e juriste, ish deputete e Kuvendit të Republikës së Kosovës., Dy palë zgjedhjet e fundit të mbajtura në Kosovë e nxorën Vjosën si gruan deputete më të votuar në historinë e Kuvendit të Republikës së Kosovës. Ajo është profesoreshë në Universitetin e Prishtinës, në R.I.T Kosovo dhe në Universitetin e Pitsburgut, në Shtetet e Bashkuara të Amerikës.
Vjosa Osmani – Sadriu u lind më 17 maj të vitit 1982, në qytetin e Mitrovicës, Kosovë. Shkollën fillore dhe atë të mesme, e përfundoi me sukses të shkëlqyeshëm në qytetin e saj të lindjes. Studimet themelore i përfundoi në Fakultetin Juridik të Universitetit të Prishtinës, ndërsa studimet master dhe doktoraturën e përfundoi në Universitetin e Pitsburgut, në SHBA, ku u dallua në mesin e qindra studentëve ndërkombëtarë. Përgjatë të gjitha fazave të studimit, ajo ishte bursiste. Si profesoreshë universiteti, në Kosovë ajo ligjëron lëndë nga fusha e së Drejtës Ndërkombëtare, ndërkaq në Amerikë ligjëron lëndën “Shtet-ndërtimi dhe e Drejta: Përvoja e Kosovës”. Krahas ndërtimit të karrierës së suksesshme, Vjosa është martuar dhe është nënë e dy vajzave binjake.
Kadri Veseli- Kandidat për kryeministër nga PDK-ja
Kadri Veseli: Emër i njohur për publikun si bashkëthemelues i Ushtrisë Çlirimtare të Kosovës në udhëheqjen e Shërbimit Informativ të Kosovës, për pjesëmarrje në bisedimet e Rambujesë si këshilltar i delegacionit të Kosovës, Ish shef i SHIK-ut, Kryetar i Partisë Demokratike të Kosovës, ish Kryetar i Kuvendit të Republikës së Kosovës. Kadri Veseli lindi më 31 maj 1967 në Mitrovicë. Shkollimin e mesëm e kreu në Mitrovicë ndërkaq studimet një pjesë në Prishtinë dhe një pjesë në Universitetin e Tiranës në degën e Agronomisë. Kadri Veseli aktualisht, është kandidat për doktoraturë në Universitetin e Lubjanës.
Gjatë Luftës së Kosovës Veseli u caktua komandant i Shërbimit të Informacionit Kundër (G-2) të UÇK-së, deri në fund të luftës kur u shndërrua në të ashtuquajturin Shërbimi Informativ i Kosovës ose SHIK-u Në fund të vitit 2012, zyrtarisht u bashkua me Partinë Demokratike të Kosovës, ndërsa në 27 janar 2013 u bë zëvendëskryetar i partisë. Veseli u votua Kryetar i Kuvendit të Republikës së Kosovës më 8 dhjetor 2014.
Ai është paraparë të bëhet kreu i partisë pas dorëheqjes së Hashim Thaçit, i cili e liroi postin për shkak të detyrimeve kushtetuese, për të marrë postin e Presidentit të Republikes se Kosovës. Pas zgjedhjeve parlamentare të vitit 2017, Veseli u rizgjodh si Kryetar i Kuvendit më 7 shtator 2017. Një ndër dështimet e Kadri Veselit konsiderohen përgjimet me aferën Pronto ku ishte i përfshirë, ndërkaq si sukses mund të quhet nisma për pastrimin e partisë nga njerëzit që janë nënakuza.. Kadri Veseli është i martuar me Violetën ku janë prindër të këtër fëmijëve.
Fatmir Limaj – Kandidat për kryeministër nga Nisma Social Demokrate
Fatmir Limaj, njihet në publik edhe si ‘Çeliku’ , është politikan, me profesion Jurist. Ai lindi me 4 shkurt të vitit 1971 në fshatin Banjë (Malishevë). Shkollën fillore e kreu në vendlindje, kurse Shkollën e Mesme Bujqësore, Fakultetin Juridik dhe Magjistraturën i kreu në Prishtinë. Fatmir Limaj njihet si themelues i UÇK-së, ku u emërua si Komandant i Brigadës 121 – “Kumanova” Pas përfundimit të luftës, FatmirLimaj u shpall si nënkryetari PDK-së, si dhe Ministër i Mbrojtjes në Qeverinë e Përkohshme. Pas triumfit në Hagë, ai i’u rikthye sërish jetës politike si nënkryetar i PDK-së. Në zgjedhjet e vitit 2010, Fatmir Limaj doli më i votuari në Kosovë. Fatmir Limaj u zgjodh si Ministëri Transportit dhe Postë-Telekomunikacionit të Kosovës. Gjatë mandatit të tij 3-vjeqar në krye të Ministrisë sëTransportit janë shtruar 1300 km rrugë. Gjithashtu ai nënshkroi kontratën për Rrugën e Kombit :Morinë – Prizren – Prishtinë –FatmirLimaj në vitin 2014 pas shumë mospajtimesh në PDK u largua nga kjo e fundit për të formuar Partinë Nisma Social Demokrate. Fatmir Limaj në martesën e parë me Zahrije Limaj ka katër fëmijë, nga martesa e dytë me Arlindën ka një vajzë.
Albin Kurti – Kandidat për kryeministër nga LVV-ja
Albin Kurti lindi më 24 mars 1975 në Prishtinë pas arsimimit baze (1981 deri 1989) dhe atij të mesëm (1989 deri më 1993) në Prishtinë vazhdoj studimet.
Në rezistencë kundër Milosheviçit në gusht të vitit 1997 Albini u kyç në Unionin e Pavarur të Studentëve të Universitetit të Prishtinës, si anëtar i kryesisë e më vonë si zyrtar për marrëdhënie ndërkombëtare. Kurti ka qenë gjithashtu edhe anëtar i Këshillit Organizativ të Protestave Paqësore dhe të pa dhunshme studentore për lirimin e objekteve universitare të uzurpuara me dhunë nga regjimi i Milosheviçit.
Ai ishte njëri ndër udhëheqësit e protestës historike studentore më 1 tetor 1997 e cila u shtyp brutalisht nga policia e Milosheviçit. Me fillin e luftës në Kosovë, filloi punën në zyrën e përfaqësuesit të përgjithshëm politik të UÇK-së, Adem Demaçit, ku shërbeu si sekretar i zyrës. Me 27 prill 1999 Policia serbe. Me 10 qershor, me tërheqjen e forcave serbe në Serbi, ai së bashku me të burgosurit tjerë shqiptarë u transferua në burgjet serbe.
Më 13 mars 2000 në Nish, Albini u dënua me 15 vjet burg të rëndë. Si rezultat i presionit ndërkombëtar Albini u lirua më 7 dhjetor 2001.
Më 23 prill 2003 Albini diplomoi në fakultetin e shkencave kompjuterike dhe telekomunikacionit në Universitetin e Prishtinës dhe vazhdoi të jetë aktivist i të drejtave të njeriut dhe atyre civile Më 12 qershor 2005 në muret që rrethonin ndërtesën e UNMIK-ut, aktivistët shkruan parullën Jo negociata, vetëvendosje, që solli në transformimin e KAN-it në Lëvizjen vetëvendosje! Albin Kurti për dy mandate ishte Deputet i kuvendit të Republikës së Kosovës Është i martuar me norvegjezen Rita Augestad Kndusen kanë një vajzë që quhet Lea.
Ramush Haradinaj- Kandidat për kryeministër nga AAK-ja
Ramush Haradinaj – është politikan magjistër i Shkencave të Shërbimit Menaxhues. Ramush Haradinaj lindi më 3 korrik 1968 në Gllogjan, afër Deçanit. Shkollën fillore e mbaroi në Irzniq dhe shkollën e mesme në Deçan dhe Gjakovë. Pasi mbaroi shkollën e mesme në vitin 1987, ai bëri shërbimin e detyrueshëm ushtarak në Ushtrinë Popullore Jugosllave, ku më vonë u promovua në komandantin e togave. Pas Luftës së Kosovës, Haradinaj ndoqi degën e drejtësisë në Universitetin e Prishtinës Haradinaj gjithashtu fitoi një diplomë master në biznes nga Universiteti Amerikan i Kosovës
Ramush Haradinaj ishte komandant në Zonën Operative të Dukagjinit të UÇK-së. Pas luftës me transformimin e Ushtrisë Çlirimtare të Kosovës në Trupat Mbrojtëse të Kosovës ai emërohet zëvendëskomandant i TMK-së. Në prill të vitit 2000 largohet nga jeta ushtarake dhe themelon partinë Aleanca për Ardhmërinë e Kosovës. Më 3 dhjetor 2004 në parlamentin e Kosovës u zgjodh kryeministër me shumicë votash. Më 8 mars të vitit 2005, Tribunali për Krime të Luftës në ish-Jugosllavi publikoi aktakuzën për krime lufte ndaj tij dhe si rrjedhojë po atë ditë Haradinaj dha dorëheqje nga pozita e Kryeministrit. Ai u lirua nga Haga më 3 prill 2008, për shkak të mungesës së provave bindëse.
Gjyqi i dytë filloi më 18 gusht 2011, përpara një Dhome Gjyqësore të dytë të përbërë nga tre gjyqtarë të ndryshëm. Më 29 nëntor 2012, Ramush Haradinaj u shpall i pafajshëm për herë të dytë
Në qershor 2015 Haradinaj u arrestua nga policia sllovene, por u lirua pas dy ditësh pas presionit diplomatik.
Pas zgjedhjeve të 11 qershorit 2017, Haradinaj u zgjodh Kryeministër i Kosovës më 9 shtator 2017, Qeveria e tij përbëhej nga një koalicion i madh i quajtur Koalicioni PAN. Ramush Haradinaj jep dorëheqje të papritur nga posti i tij. Arsyeja dorëheqjes është se kishte marrë ftesë nga Gjykata Speciale, në cilësinë e të dyshuarit. Në udhëheqjen e tij si kryeminister mbahet mend për taksën 100% ndaj produkteve serbe. Ramush Haradinaj është i martuar me Anita Haradinaj, ku janë prindër të tre fëmijëve. Në garën e tanishme është kandidat për kryeministër në Aleancën për Ardhmërinë e Kosovës. /InLajmi/
