Për të gjithë ata që e duan diellin, ju sjellim lajmin e mirë se edhe nesër do të jetë mot me diell në Kosovë, bën të ditur IHMK-ja përmes një komunikate për media, shkruan InLajmi.
“Dita e parë e muajit shtator do të vazhdojë me kushte të ngjashme meteorologjike. Muaji gusht u përmbyll me temperatura të larta dhe me deficit të reshjeve, përjashtuar rajonin e Pejës ku atje në intervale të shkurta kohe u regjistruan rekorde të reshjeve me mbi 80mm, derisa në pjesët tjera, sidomos në rrafshin e Kosovës nuk u regjistruan reshje të mjaftueshme, nga 25-30mm”, thotë IHMK.
Ditën e diel temperaturat minimale parashihen të lëvizin ndërmjet 12-14 gradë Celsius, ndërsa maksimalet e ditës në 31-33 gradë Celsius.
Do të fryjë erë nga drejtimi i verilindjes dhe jugperëndimit me shpejtësi 1-5m/s./InLajmi/
