Qendra Kombëtare për Menaxhim Kufitar, ka publikuar të dhënat e fundit për gjendjen në vendkalimet kufitare të Kosovës.
Sipas të dhënave të fundit të kësaj qendre të publikuar rreth orës 14:00, kolona janë krijuar vetëm në vendkalimin kufitar Merdare, në këtë pikë kolonat arrijnë deri në 600 metra, transmeton Telegrafi.
Dalja nga territori i Kosovës duke shfrytëzuar Merdaren mund të bëhet duke pritur dy orë. Kurse hyrja brenda Kosovës përmes kësaj pike mund të bëhet pesë deri në dhjetë minuta.
Vendkalimet kufitare tjera janë të lira, hyrja dhe dalja mund të bëhet nga tre deri në 20 minuta.
Për të përcjellur gjendjen në kohë reale në të gjitha vendkalimet kufitare të Kosovës me vendet fqinje klikoni në faqen e Qendrës Kombëtare për Menaxhim Kufitar.
