Policia e Kosovës njofton se dje ka pranuar informatën se në rrugën “Nazim Gafurri” në Prishtinë, ka pas të shtëna me armë zjarri.
Policia e Kosovës menjëherë ka dalë në vendin e ngjarjes.
Bazuar në të dhënat e para dyshohet se ka pas shkëmbim zjarri në mes të dy grupeve, të cilët kanë vazhduar të shtënat edhe pasi janë futur në veturat e tyre me të cilat kanë lëvizë në rrugën e sipërshënuar.
Në kuadër të veprimeve të saj policia me një intensitet të shtuar ka ndërmarrë një varg veprimesh operative e hetimore, me fokus zbulimin e identitetit dhe vendndodhjen e të dyshuarve të mundshëm si dhe ka zgjeruar rrethin e hetimit në përpjekje për të ndriçuar dhe sqaruar të gjitha rrethanat që kanë të bëjnë me rastin.
Përndryshe në raport gjatë 24 orëve të fundit kanë ndodhur 17-të aksidente me të lënduar, 31 aksidente pa të lënduar, 1305 tiketa të shqipruara, 43 arrestime ndërkaq në mbajtje janë dërguar 35 përsona. /gazeta Inlajmi/
