24 gusht 79 – Shpërtheu vullkani i Vezuvit. Pompei, Herkulanium dhe Stabi, tri qytete të rëndësishme të asaj kohe, u zhdukën nën hirin vullkanik.
24 gusht 1516 – Ushtria osmane nën komandën e Sulltan Selimit I mposhti ushtrinë e Sulltanatit Mamluk në Betejën e Lëndinës së Dabikut (Marj Dabiq). Kjo betejë, përveçse çimentoi kontrollin osman mbi Sirinë, Libinë, Palestinën dhe botën myslimane në përgjithësi, zyrtarizoi gjithashtu statusin e sulltanëve si kalifë.
24 gusht 1572 – Me urdhër të Mbretit Sharl IX, katolikët francezë sulmuan protestantët e paarmatosur duke vrarë dhjetëra-mijëra prej tyre. Kjo ngjarje e hidhur u shënua në histori si Masakra e Shën-Bartolomeut.
24 gusht 1814 – Forcat britanike pushtuan qytetin e Uashingtonit (D.C.) dhe dogjën Shtëpinë e Bardhë dhe disa ndërtesa të tjera.
24 gusht 1875 – Matthew Webb u bë njeriu i parë që kaloi me not kanalin e La Manshit.
24 gusht 1899 – Erdhi në jetë shkrimtari argjentinas, Jorge Luis Borges, autor i kryeveprave si “Alef” dhe “Libri prej rëre”.
24 gusht 1923 – Forcat pushtuese filluan tërheqjen nga Stambolli, sipas dispozitave të Traktatit të Lozanës.
24 gusht 1929 – Në kryeqytetin Kajro të Egjiptit erdhi në jetë Yasser Arafati, simbol i kauzës palestineze. Ai nisi rezistencën kundër pushtimit izraelit duke themeluar Lëvizjen Fatah më 1958-n, kurse në vitin 1993 firmoi Marrëveshjen e Paqes së Oslos me Kryeministrin e Izraelit, Yitzhak Rabin. Arafati u bë gjithashtu presidenti i parë i shtetit të pavarur të Palestinës.
24 gusht 1949 – Hyri në fuqi Traktati i Atlantikut të Veriut, njohur gjithashtu si Traktati i Uashingtonit, i cili formon bazën ligjore të Organizatës së Traktatit të Atlantikut Verior (NATO) dhe zbatohet prej saj. Traktati u nënshkrua në Uashington, më 4 prill 1949.
24 gusht 1991 – Presidenti i Bashkimit Sovjetik, Mihail Gorbaçov, kërkoi shpërbërjen e Partisë Komuniste duke dhënë dorëheqjen nga posti i sekretarit të përgjithshëm të saj. Estonia, Letonia dhe Ukraina shpallën largimin e tyre nga Bashkimi Sovjetik po të njëjtën ditë.
24 gusht 2016 – Forcat e Armatosura të Turqisë nisën operacionin “Mburoja e Eufratit” kundër organizatave terroriste DAESH dhe PYD në Siri.
