Klubi italian, Interi thuhet se është afër një marrëveshje të re fitimprurëse me mesfushorin kroat, Marcelo Brozovic, duke u përpjekur të heqë klauzolën e lëshimit në kontratën aktuale të kroatit.
Gazeta italiane Tuttosport shkruan se ylli kroat do të nënshkruajë deri në qershor të vitit 2023 dhe do të shpërblehet me një marrëveshje të re të përmirësuar në Giuseppe Meazza.
27-vjeçari është vendosur si njëri nga anëtarët kryesorë në Inter vitet e fundit dhe Antonio Conte vazhdon të llogarisë në mesfushorin me tipare mbrojtëse, transmeton Telegrafi.
Marrëveshja e tij e tanishme skadon në qershor të vitit 2022 dhe përfshin një klauzolë lirimi prej 60 milionë eurosh, diçka që drejtori i Interit, Beppe Marotta, dëshiron ta zgjidhë.
