Kryetari i Kamenicës, Qëndron Kastrati sot ka rezultuar i infektuar me Koronavirus.
Kastrati në RTV Dukagjini thotë se po të mos ishte testuar vështirë se do ta dinte se është i prekur me coronavirus.
Ai ka treguar se vetëm pasi e ka parë se një koleg nga Prishtina ka rezultuar pozitiv me COVID-19 është testuar dhe ka rezultuar pozitiv, përcjell Telegrafi.
Kastrati thotë se për momentin është i vetmi person i prekur me COVID-19 nga Komuna e Kamenicës.
Ai thotë se megjithatë vështirë të mendohet rikthimi i masave të mëhershme.
“Humbja e vendeve masive të punës do të ishte një krizë edhe më e madhe për shoqërinë tonë. Duhet t’i ftojmë qytetarët se duhet të mësohemi të bashkëjetojmë me virusin. Duhet të mbajmë maskat, distancën dhe të bëjmë pastrimin e duarve sa më shpesh”.
Kastrati thotë se ndjehet pak më i lehtësuar pasi me familjen që jeton asnjë pjesëtarë nuk ka sëmundje kronike
