Zëdhënësi i Partisë Demokratike të Kosovës, Avni Bytyçi, ka komentuar ftesën që SHBA-ja ia ka dërguar përfaqësuesve të Republikës së Kosovës për datën 27 qershor në Washington, përcjell InLajmi.
Ai ka shkruar në faqen e tij në Facebook se aty ku janë Shtetet e Bashkuara të Amerikës, duhet të jetë Republika e Kosovës dhe Qeveria ta përfaqësojë vendin në mënyrën më të mirë.
Postimi i plotë i tij:
Sa i përket ftesës për të vazhduar dialogun në Shtëpinë e Bardhë, qëndrimi i Partisë Demokratike të Kosovës është i njohur dhe është bërë i ditur në vazhdimësi nga kryetari z. Kadri Veseli. Nuk ka asnjë ndryshim qëndrimi deri sot.
Aty ku janë Shtetet e Bashkuara të Amerikës, duhet të jetë Republika e Kosovës dhe institucionet ta përfaqësojnë vendin në mënyrën më të mirë.
E kanë për detyrë ti mbrojnë interesat e vendit dhe nuk duhet ti ikin përgjegjësië dhe bashkëpunimit me Amerikën sikurse veproi ish qeveria Kurti./InLajmi/
