Tani kur ka filluar sezona e verës, po shkaktohen kolona të shumta nëpër pikat kufitare të Kosovës, pritjet po janë të gjata, e kjo gjë për qytetarët e mërgimtarët tanë po është tejet e lodhshme.
Por sot në krahasim me ditët tjera, gjendja është më e mirë.
Mediat kanë kontaktuar me Qendrën Kombëtare për Menaxhim Kufitar, ku tregojnë që gjendja nëpër pikat kufitare është e qetë.
Hyrjet në pikat kufitare për t’u futur në Kosovë janë normale, me pritje nga 3 deri në 5 minuta, përcjell KosovaPost.
Edhe në dalje s’ka pritje, përveç pikës kufitare në Merdare në të cilën ka më shumë kolona, e pritjet janë deri në 1 orë.
