FC Prishtina e ka fituar 3:0 ndeshjen e parë gjysmëfinale të Kupës së Kosovës kundër Drenicës në stadiumin ‘Fadil Vokrri’.
Ndeshja mes Prishtinës dhe Drenicës ishte e para në futbollin kosovar pas pezullimit të detyrueshëm në muajin mars që shkaktoi COVID-19.
Kjo sfidë u luajt pa praninë e tifozëve, ashtu si në gjithë Evropën.
Dy golat e parë për Prishtinën erdhën pas pjesës së parë, me Ahmed Januzin që shënoi dy herë, në minutat 29’ dhe 44’.
Rezultatin përfundimtar të ndeshjes e vendosi Meriton Korencia, duke shënuar në minutën e 89’.
Me fitoren 3:0, Prishtina ka regjistuar një rezultat shumë të favorshëm para ndeshjes së kthimit që luhet në ‘Bajram Aliu’
