Presidenti i Kosovës hashim Thaçi ka kritikuar kryeministrin në detyrë duke e akuzuar për mashtrime patriotike dhe vendime strategjike të gabuara, shkruan InLajmi.
Presidenti Thaçi ka thënë se Kurti është duke bërë hapa në kundërshtim me kërkesat e SHBA-ve, kundrejt Kosovës, ai thotë se me vendimin e Qeverisë për reciprocitet ndaj Serbisë është duke e rrezikuar dukshëm shtetësia e Kosovës dhe marrëdhëniet e mira që kemi ndërtuar me SHBA dhe BE.
Postimi i plotë i tij:
Në përpëlitjet e fundit para se të largohet nga zyra, Kurti po i vazhdon mashtrimet patriotike me vendime strategjikisht të gabueshme. Me vendimin për kinse reciprocitet, ai vazhdoi duke bërë hapa në kundërshtim me kërkesat dhe pritjet e Shteteve të Bashkuara të Amerikës, por edhe të BE-së, duke rrezikuar tërë atë që kemi arritur dhe ndërtuar për më shumë se dy dekada. Kosova ka fituar lirinë dhe shtetësinë me përkrahjen e SHBA-së dhe partnerëve evropianë dhe vetëm me këtë përkrahje e partneritet ka të ardhme të sigurt. Çdo cenim i këtyre raporteve është rrezikim i shtetit dhe rrezikim i së ardhmes së Kosovës. HTH/InLajmi/
