Kryeministri në detyrë, Albin Kurti, ka përsëritur kërkesën për mbatjen e zgjedhjeve në Kosovë, përmes një postimi në facebook, duke konstatuar se sipas tij ngërçi institucional shfaqet vetëm kur përjashton zgjedhjet, shkruan InLajmi.
Ai ka thënë se se në pajtim me kushtetutën në vendin tonë nevojiten zgjedhje të reja.
Kurti është i mendimit se ndodhemi në një stad të pandemisë i cili nuk paraqet rrezik në rast se organizojmë zgjedhje, kjo sepse sipas tij zgjedhje janë planifikuar të mbahen në plotë shtete të tjera, si: Irlandë, Maqedoni e Veriut, Spanjë dhe Kroaci.
Postimi i plotë:
Ngërçi institucional shfaqet vetëm kur përjashton zgjedhjet
Sot u bënë dy muaj nga mocioni i mosbesimit. Më 25 mars krizës shëndetësore iu pat shtuar edhe ajo politike. Mirëpo, ne po ia dalim. Dje ishte dita e parë, që nga 13 marsi, pa të infektuar me virusin Corona.
Ngërç institucional? Nuk është e vërtetë. Mospajtime ka, por edhe zgjidhje ka. Në përputhje me Kushtetutën tonë nevojiten zgjedhje të reja. Ato tashmë po mbahen anembanë Evropës. Pas shëndetit të popullsisë dhe ekonomisë, është në pyetje edhe shëndeti i demokracisë. Zgjedhje do të ketë në qershor në Islandë, Francë dhe Serbi, kurse në korrik në Maqedoninë e Veriut, Spanjë dhe Kroaci. Duhet të kemi zgjedhje edhe në Kosovë e aso lokale në Podujevë. Madje, mundet edhe njëkohësisht./InLajmi/
