Gatuani pjatën perfekte për pothuajse çdo vakt. Super e shijshme dhe e lehtë për t’u përgatitur! Patatet qëndrojnë të buta brenda dhe pak crispy jashtë. Ato marrin një shije të mrekullueshme kur i shoqëroni me ketchup. Shërbehen si garniturë fantastike për të shoqëruar pulën e pjekur, filetot e viçit dhe të derrit. Gjithashtu janë një kombinim perfekt i pjatave për një mëngjes apo brunch të veçantë.
Përgaditja:
2 kg patate
1 litër qumësht
300 gr djathë Pecorino & Parmigiano
100 gr gjalpë
6 thelpinj hudhre
70 ml vaj ulliri i aromatizuar me përzierje erëzash
Pak arrë moskat
Pak kripë
Pak piper
Udhëzimet
1.Pastrojmë fillimisht patatet dhe i presim në feta rrumbullake, me trashësi rreth 1 cm.
2.I vendosim të ziejnë për disa minuta bashkë me qumështin, hudhrat, kripën, piperin dhe arrën moskat të grirë. Patatet nuk i ziejmë plotësisht, sepse do t’i vendosim në furrë për t’u pjekur.
3. Pas zierjes, i kullojmë dhe i ruajmë lëngun. Shtrojmë një pjesë të tyre në tavë dhe hedhim sipër një pjesë të djathit të grirë. E përsërisim këtë me të gjitha fetat e patateve.
4. Në fund u hedhim gjalpin dhe pak qumësht që ka mbetur më parë nga zierja.
5. E vendosim në furrë të ngrohur më parë dhe e pjekim në temperaturën 200 gradë për 20 minuta. Recetë nga Renato Mekolli.
