Kandidatja për deputete nga Lëvizja Vetëvendosje, Albulena Haxhiu ka thënë se me entuziazmin e qytetarëve kanë bërë hapjen e fushatës zgjedhore në Mitrovicë.
Albulena Haxhiu ka thënë se më 6 tetor, një shoqëri e tërë do të marrë frymë sepse siç ka shkruar ajo tashmë erdhi dita,përcjell Inlajmi
“Erdhi dita të hedhim në deponi projektin e krimit të organizuar kundër shtetit të Kosovës. Erdhi dita për shtetin e së drejtës. Ne duhet të ndërtojmë bashkërisht idenë se morali dhe ligji përputhen si vepër e shoqërisë. Ne duhet të ndërtojmë bashkërisht idenë se morali dhe drejtësia përputhen si vepër e qeverisë”, ka shkruar Haxhiu në Facebook.
Ajo ka thënë se duhet synuar që shoqëria të bëhet bashkësia e njerëzve që e respektojnë ligjin, ndërsa shteti të jetë bashkësia e institucioneve që respektojnë të drejtën.
“Ndaj, me thjeshtësinë e viteve të përpjekjeve tona, me respektin për vuajtjet e popullit tonë, këtu në Mitrovicë i urojmë njëri-tjetrit ditën e 6 Tetorit, ditën e ri-ngritjes sonë me qeverinë Kurti dhe me Kosovën Republikë e popullit të vet. #erdhidita 126 Lëvizja VETËVENDOSJE”, vijon shkrimi i Haxhiut.
https://www.facebook.com/hapeporten/posts/2922880444449394
