Njohësi i qështjeve politike Ramush Tahiri,parashikon se Qeveria e formuar nga koalicioni mes LDK-së NISMA-AAK së bashku me pakicat, është një qeveri stabile, e cila me një mundësi të madhe do ta përmbyllë mandatin 4-vjeçar, përcjell InLajmi.
A tha se tashmë LDK-ja duket qartë se i ka siguruar numrat për krijimin e qeverisë, dhe se e njejta pritet që deri të enjtën ta formojë ekzekutivin.
“Po Qeveria e vjetër është shkarkuar me 2 të 3 e votave dhe Qeveria Kurti nuk mundet me ndejtë në detyrë dhe nuk ka legjitimitet, VV-ja nuk mundet me rovoku zgjedhjeve sepse e ka vetëm 1 të 4 e Kuvendit, procedurat janë nisë për Qeverinë e re, mandatin Presidenti ia ka dhanë LDK-së, LDK-ja i ka 28 deputetë dhe konsultimet me partitë tjera duket se e ka bë numrin, tha Tahiri për GazetaBlic.
Sipas Tahirit, Qeveria në ardhje, do të funksionojë më mirë se ajo e VV-së së bashku me LDK-në, derisa sa shprehet se politikisht Vetëvendosja është më afër si koncept me PDK-në.
“Është një Qeveri stabile, qeveria LVV-LDK nuk mundet me funksioniu pasi u përqanë partnerët e koalicionit. Sa do të funksionon, mendoj që do të funksionoj, dhe mendoj që do të krijohet të enjten. Do të funksionoj më mirë se VV-ja dhe LDK-ja. Në këtë qeveri mendoj që është një qeveri taman e tranzicionit e cila e profilizon ideologjikisht pushtetin. Ma merr menja që nëse vjen në krizë PDK-ja e voton, politikisht VV-ja si koncept është më afër PDK-së.”
Ndonëse ishte në plan përfshierja edhe e Aleancës Kosova e Re në koalicionin e udhëhequr nga LDK-ja, lideri i kësaj partie, Behgjet Pacolli, sot ka mohuar se AKR-ja do të përfshihet në qeverinë e ardhshme./InLajmi/
