Edhe Nisma ka reaguar ndaj shkarkimit të këshilltarit të kryeministrit në detyrë Kurti ku anëtari i kryesisë së Nismës, Çerkin Dukolli ka thënë se Kurti e ka liruar nga detyra Shkëlzen Gashi veten nga presioni qytetarë dhe se nuk është distancuar nga deklaratat e tij, përcjell InLajmi.
“Dick Marti me raportin dhe Shkëlzen Gashi me deklaratat e tij vetëm se shprehën gjuhën e tyre raciste, përderisa
UÇK ishte dhe përjetësisht do të jetë krenaria jonë kombëtare”, ka shkruar ai në facebook.
Postimi i plotë;
Albini nuk distancohet nga Shkelzeni.
Kurti nuk distancohet nga deklarimet e pavërteta, fyese e shfrenuese ndaj UÇK-së, të cilat i bëri këshilltari i tij politik, Shkëlzen Gashi por pas një takimi me të e paska liruar nga detyra.
Ç’farë hipokrizie e Kurtit e treguar me këtë rast, kjo tregon se edhe lirimin e tij nga detyra e ka bërë vetëm nga presioni qytetar.
Dick Marti me raportin dhe Shkëlzen Gashi me deklaratat e tij vetëm se shprehën gjuhën e tyre raciste, përderisa
UÇK ishte dhe përjetësisht do të jetë krenaria jonë kombëtare.
Organet e hetuesisë dhe prokuroria seriozisht duhet të merren me deklarimet e Shkëlzen Gashit./InLajmi/
