Një 20 vjeçare ka ndërruar jetë pasi e njejta sot ka tentuar të bëj vetëvrasje duke u hedhur nga kati I 4-të i banesës në lagjen ‘Bregu i Diellit’ në Prishtinë, përcjell InLajmi.
Sot rreth orës 18:00 në rrugën “Xheladin Hana” në lagjën Bregu i Diellit, disa dëshmitarë thonë për Indeksonë se bëhet fjalë për një femër rreth 20 vjeçare, e cila ka kërcyer nga kati i 4-të dhe e njëjta është dërguar më pas drejt Emergjencës.
Por, e njëjta nuk ka arritur t’u mbijetojë plagëve të rënda që ka marrë dhe vdekja e saj është konstatuar nga ekipi mjekësor në QKUK.
Edhe Policia e Kosovës e ka konfirmuar këtë për Indeksonline.
“Policia ka dalë në lokacion dhe janë duke ndërmarrë të gjitha veprimet e nevojshme për të sqaruar dhe hetuar rrethanat e këtij rasti dhe për detajet e tjera do të njoftoheni pas raportimeve të tjera”, ka thënë Zëdhënësi i Policisë, Daut Hoxha./InLajmi/
