Një vajzë dyshohet se vodhi para nga nëna e saj dhe e ka goditur atë në kokë dhe në duar, e cila është detyruar edhe të marr tretman mjekësor, përcjell InLajmi.
Shuma që dyshohet se i vodhi nga nënë e saj, vajza mitrovicase, është 4300 euro. Sipas denoncueses, paratë i janë marrë kohë pas kohe nga e bija.
Burime të Reporterit, thonë se gruaja që denoncoi vajzën rrahje dhe vjedhje, tha se parat e marra ishin nga kursimet në bankë.
Sipas saj, e bija e ka goditur atë në kokë dhe duar, dhe se dhuna ndaj saj kishte qene e vazhdueshme.
Sipas Policisë, viktima është dërguar për mjekim në Shtëpinë e Shëndetit në Mitrovicë, por aty theksohet se në raportin e mjekut kujdestar thuhet se nuk vërehet se ka lëndime të dukshme, shkruan Reporteri.net.
Me rastin po merret Prokuroria Themelore e Mitrovicës, derisa e dyshuara pasi është arrestuar, e njëjta është liruar në procedurë të rregullt./InLajmi/
