Kompania më e madhe e produkteve të mishit Meka ka falenderuar qeverinë për Pakon Fiskale Emergjente, shkruan InLajmi.
Pronari i kësaj kompanie Burim Piraj ka thënë se ka vendosur që këto para të cilat punëtorëve të Komanisë MEKA paratë iu takojnë nga kjo pako, t’i paguaj nga buxheti personal në shenjë solidariteti me vendin tonë në këtë situatë jo të favorshme!
Piraj ka thënë kjo që po bën Kompania Meka është e paktë cka duhet të bëjmë për shtetin.
Me emrin e Zotit, Mëshirëplotit!
E përshëndes vendimin e qeverisë për miratimin “Pakos fiskale emergjente” mirëpo unë si drejtor i MEKA shpk ( MEKA HALAL FOOD ) edhe pse i kam 20 punëtorë në kategorinë e subvencionimit të pagave edhe pse punëtorët tanë e kanë pagën minimale 350 EURO e mesatarja diku afër 500 EURO, kam vendos që këto para të cilat punëtorëve tanë iu takojnë nga kjo pako, t’i paguaj nga buxheti personal në shenjë solidariteti me vendin tonë në këtë situatë jo të favorshme!
Këtë shumë pra ia dedikoj vendit tim që sado pak ta ketë më të lehtë kapërcimin e gjendjes së krijuar.
Vërtetë është pak për vendin, sepse ne duhet të bëjmë shumë më shumë, mirëpo çdo e keqe dhe çdo e mirë e ka një pikënisje, le të jetë pikënisja e të mirave kjo!
Vetëm së bashku ne mund të arrijmë ta ndërtojmë Kosovën e ëndrrave tona ashtu siç e kemi ëndërruar që nga fëmijëria kur kemi qenë nën sundim!
Zoti e bekoftë popullin tim!
Zoti e bekoftë Kosovën, Shqipërinë dhe të gjithë trojet shqiptare!
Pronari dhe drejtori i MEKA shpk : Burim Piraj , Plavë – Sharr më 31 Mars 2020. /InLajmi/
