Zëvendëskryeministri i Kosovës, Haki Abazi tha se Vetëvendosje është duke e shqyrtuar propozimin e ministrit të Mbrojtjes, Anton Quni në seancën e mocionit për rrëzimin e qeverisë, përcjell InLajmi.
“Jemi duke biseduar për këtë” u shpreh shkurt Abazi.
Ndryshe, Quni i propozojë Kurtit që gjatë 1 ore pauzë të Kuvendit të Kosovës, të shqyrtoj edhe një herë rikthimin e Agim Veliut në postin e ministrit të Brendshëm, si dhe të reflektoj në çështjen e taksës dhe LDK dhe VV të vazhdojnë të qeverisin bashkë.
“Po të drejtohem me emër se të konsideroj shumë, shumë të afërt. Albin është një ofertë që duhesh mirë me pas në konsideratë, është një mundësi shumë e mirë. Unë do e bëj të pamundurën nëse ju i rishikoni këto vendime. Pasi të merret pauza prej 1 ore, unë me urgjencë do e takoj kryetarin, Isa Mustafa, me urgjencë do të bisedoj me gjithë deputetët që ta tërhiqen mocionin, nëse ju e riktheni Agim Veliun në detyrën e tij dhe nëse ju reflektoni në lidhje me taksën, e cila është kusht nga gjithë komuniteti ndërkombëtar”, tha Quni në seancë.
Ndërkaq për Arbresh.info, Abazi nuk dha ndonjë informatë më të hollësishme.
Mbetet të shihet se çka do të vendoset pas një ore./InLajmi/
