Në këto ditë kur vendi po lufton nga pandemia COVID-19, kësaj barre ju shtua edhe kriza politike…
Të gjithë po komentojnë dhe po japing opinionet e tyre dhe reagimi I radhës vjen nga Donika Gërvalla e cila thotë se në zgjedhjet e ardhshme LDK do të dënohet nga qytetarët për shkak të veprimeve të fundit.
Ajo thotë se nëndegët dhe degët e partisë së udhëhequr nga Isa Mustafa, nuk kanë guxim për t’i dalë krah Vjosa Osmanit, për shkak të të cilës sipas saj, “në zgjedhjet e fundit nuk kishin frikë të trokisnin në dyert e votuesve të LDK-së për të kërkuar vota”.
Nëpërmjet një shkrimi në Facebook, Gërvalla thotë se LDK’së aktuale “vdekjen nuk po ia sjell vetëm Isa Mustafa me partnerë të tij, por ne radhë të parë vet struktura e saj’.
“Rrini, vetëm rrini dhe heshtni, ndërkohë që qytetarët presin nga ju veprime të matura dhe të guximshme. Zgjedhjet e ardhshme do të vijnë, herët apo vonë, por për “Lidhjen” tepër vonë”, shkruan ajo.
