Nga Partia Demokratike e Kosovës kanë reaguar pas shkarkimit të Agim Veliut nga posti i ministrit të Brendshëm.
Deputetja e PDK-së, Blerta Deliu-Kodra përmes një postimi në rjetin social Facebook, ka thënë se ajo çfarë më së paku i duhej vendit është kriza qeveritare, shkruna InLajmi.
Sipas saj, beteja e brendshme politike nuk është dashur ta dominojë nevojën e një stabiliteti institucional në këtë kohë të vështirë për Kosovën.
Postimi i plotë i saj:
Në një gjendje të jashtëzakonshme, kur qytetarët kanë nevojë më shumë se rrallë herë që institucionet të vihen në ballë të kësaj situate pandemike, koalicioni sjell krizën e radhës qeveritare.
Beteja e brendshme politike nuk është dashur ta dominojnë nevojën e një stabiliteti institucional në këtë kohë të vështirë.
Një Qeveri që nuk mund ta menxhojë kabinetin e vet, si pritet të drejtojë vendin në këtë sfidë të rëndë të pandemisë./InLajmi/
