Një përleshje mes disa personave ka ndodhur në Prishtinë, mbrëmjen e së dielës në rrugën Bill Klinton.
Rastin për gazetën inFokus e ka konfirmuar zëdhënësi i Policisë së Kosovës, Daut Hoxha.
Ai tha se ngjarja ka ndodhur rreth orës 17:10 dhe se dy persona kanë mbetur të lënduar nga ky rast.
“Me datë 08.03.2020 rreth ores 17:10 Policia ka pranuar nje informate per nje Rrahje ne Progres qe ishte duke ndodhur e Rr.Bill Klinton ne Prishtine. Njesit Policore shume shpejt iu kane pergjigjur informates dhe me te arritur ne lokaion kane hasur ne dy persona te lenduar te moshave (viti i lindjes 1991) dhe (1978) te cilet edhe kane pranuar tratman mjekesor ne QKUK, dhe sipas tyre pas nje mosmarveshje te njejtit jane sulmuar nga disa persona te dyshuar”, tha Hoxha.
Ai gjithashtu tha se janë ndaluar tre të dyshuar për rastin të cilët janë shoqëruar në Polici.
“Njesitë relevante Policore te Stacionit policor Jugut ne Prishtine dhe Njesia per Reagim te Shpejt e PK -se-Prishtine gjate intervenimit kane ndaluar tre persona te dyshuar te moshes vitet e lindjes: (1998),(1998) dhe (1994) dhe te njejtit jane shoqeruar per ne Polici per intervistim. Rasti eshte ne proces te hetimit dhe pas sqarimit te rrethanave te plota te gjitha veprimet tjera do te ndermerren ne konsultim me prokurorin kompeten dhe per vendimet tjera do te njoftoheni me kohe”, tha ai.
