Në planin qeverisës të Qeverisë së Albin Kurtit, në mesin e shumë pikave, është paraparë edhe çështja e arsimit dhe shkencës.
Në pikën 4 të këtij plani, thuhet se Qeveria do të përgatisë nxënësit dhe studentët që të jenë të aftë për jetën dhe tregun e punës.
“Qeveria do t’i kushtojë rol të veçantë shkencës dhe inovacionit, ndaj në këtë kuadër, nëpërmjet zhvillimi të fondit të ekselencës, synojmë të mbështesim kuadrot premtuese me orientim në shkenca, në veçanti gratë qe zgjedhin të studiojnë shkencat teknike e natyrore, brenda e jashtë vendit”, thuhet në këtë pikë, shkruan Insajderi.
Tutje aty është cekur që Qeveria do të kujdeset për sistemin e menaxhimit të informatave në arsim, që të kryhet nëpërmjet një sistemi të integruar, funksional dhe transparent në të gjitha nivelet.
