Policia e Kosovës ka arrestuar një person për veprën penale “Organizim i skemave piramidale dhe bixhozit të paligjshëm”.
Një person është arrestuar të dielën pasdite, për shkak se dyshohet se ka organizuar lojërat e fatit në bodrumin e një shtëpie që e kishte në pronësi.
Gjatë një kontrolle të lokalit, policia ka hasur në një punëtorë dhe tre klientë të cilët po luanin lojëra të fatit.
Si dëshmi materiale, gjatë kontrollit janë sekuestruar: dy shtëpiza kompjuteri, një monitor, një printer, një telefon celular dhe para të gatshme në vlerë rreth 130 euro.
Me vendim të prokurorit, i dyshuari, pronar i lokalit në fjalë është dërguar në mbajtje, ndërsa rasti vazhdon të hetohet.
“Është arrestuar i dyshuari mashkull K/Shqiptar i cili në një bodrum të një shtëpie kishte në pronësi një lokal në të cilin zhvilloheshin lojëra të fatit. Në atë lokal nga njësitë policore është hasë një punëtorë dhe tre klient duke luajtur lojëra të fatit. Me urdhër verbal të prokurorit dhe gjyqtarit të procedurës paraprake është bastisur lokali, si dëshmi materiale janë sekuestruar: dy shtëpiza kompjuteri, një monitor, një printer, një telefon celular dhe para të gatshme në vlerë rreth 130 euro. Me vendim të prokurorit i dyshuari – pronari i lokalit është dërguar në mbajtje, rasti vazhdon të hetohet”, thuhet në raportin e policisë./InLajmi/
