Të gjithë i kanë ëndrrat e tyre kur martohen dhe duan të përjetojnë dasmën e tyre të ëndrrave, ku do të jenë princesha apo princër. Por, një çift norvegjez ka dashur të bëjë diçka tjetër krejt të pazakontë, duke u bërë të sapomartuar në stil vikingësh.
Në këtë formë, ata realizuan ceremoninë e parë në stilin e vikingëve, që realizohet në më se 1,000 vjet.
Rune dhe Elizabeth Dalseth, nuk deshën një ceremoni të zakonshme, por shkuan afër një liqeni dhe gjithçka e realizuan sikur vikingët e vjetër, si para dhjetë shekujsh. Ata u deshën të sigurojnë dy barka të gjata druri, një prift pagan dhe gjak që do ta ofronin për mbarësi.
Po, ata e flijuan gjakun e një derri, por kjo kafshë nuk shkoi dëm pasi iu shërbyer të pranishmëve më vonë, derisa gjithçka shkoi në atmosferë të qetë. Të dy ishin ndarë në dy barka dhe arritën aty me nga dhjetë vet, që ishin shoqëruesit e tyre, familjarë dhe shoqëri e ngushtë.
Dhëndri kishte në dorë trëndafila të thata, si dhe një shpatë të vërtetë, derisa nusja kishte veshur fustanin e bardhë sikur nuset e zakonshme, por ishte mbështetje me një pelerinë të kuqe leshi, sikur nuset e vikingëve të vërtetë.
Para 130 të ftuarve, të cilët ishin të veshur me veshje vikingësh, nuk dëgjuan muzikë nga ndonjë pajisje por ata u argëtuan me muzikë të gjallë nga instrumentet tradicionale.
Zhvillimin e ceremonisë tradicionale të vikingëve, është bërë që të tregohen ana e butë e kësaj shoqërie të stigmatizuar, që gjithnjë krahasohen me dhunë dhe luftë, transmeton Telegrafi.
Sipas organizatorëve të kësaj ceremonia, vikingët ishin po aq të dhunshëm sa edhe fiset tjera të asaj kohe, ndërsa kishin edhe anën e tyre të ndjeshme dhe të mirë.
